СМІ: Спецпрадстаўніком Трампа датычна Украіны стане чалавек, які наўрад ці спадабаецца Пуціну

• 13.11.2024, 20:27

Ён сапраўдны «ястраб».

На пасаду свайго спецпрадстаўніка ў пытаннях перамоваў для «заканчэння вайны» ва Украіне Дональд Трамп можа прызначыць кадравага дыпламата Браяна Гука.

Пра гэта даведалася выданне ZN.UA з уласных крыніцаў.

56-гадовы Браян Гук – юрыст з адукацыі, які працаваў у рэспубліканскіх адміністрацыях Джорджа Буша-малодшага і Дональда Трампа ў структуры Дзяржаўнага дэпартамента, а таксама быў старшым дарадцам кампаніі Міта Ромні ў пытаннях знешняй палітыкі.

У адміністрацыі Трампа Гук займаўся палітыкай у дачыненні да Ірана – спачатку як кіраўнік міжведамаснай групы ў каардынацыі санкцый, потым – як спецпрадстаўнік і старшы дарадца дзяржсакратара Майка Пампеа.

Гук падтрымліваў жорсткую палітыку ў дачыненні да Ірана – сярод іншага выхад з іранскай ядзернай угоды і аперацыю ў ліквідацыі высокапастаўленага генерала Корпуса вартавых Ісламскай рэвалюцыі Касэма Сулеймані.

Публічна не паведамлялася пра досвед гэтага амерыканскага дыпламата ў дачыненні да Украіны.