Пад Новасібірскам расейскія вайскоўцы ўчынілі пагром і масавыя ўцёкі з часці

• 13.11.2024, 21:17

Уцяклі 10 чалавек.

Расейскія вайскоўцы ўчынілі пагром у вайсковай частцы ў Новасібірскай вобласці РФ і ўцяклі. Пра гэта паведамляе «Агенцтва. Навіны» у сераду, 13 лістапада.

Адзначаецца, што збегчы маглі ад 10 да 15 вайскоўцаў краіны-агрэсаркі. Сама меней двое з іх раней змушаліся да крымінальнай адказнасці.

Гэтыя ўцёкі з'яўляюцца аднымі з самых масаваных з пачатку поўнамаштабнай вайны Расеі супраць Украіны.

Паводле словаў Яўгена Анціпава , кіраўніка пасёлка Качанёва, дзе знаходзіцца вайсковая частка, уцяклі 10 вайскоўцаў. Раней яны ўжо пакідалі самавольна часць. Анціпаў паведаміў, што чатырох уцекачоў затрымалі за межамі Качанеўскага раёна.

Паводле звестак расейскага Telegram-канала Baza, усяго збеглі 12 вайскоўцаў.