На відэа паказалі, як Leopard падпільнаваў і знішчыў калону расейскіх бронемашын

• 14.11.2024, 12:07

Сталі вядомыя новыя падрабязнасці бою пад Курахавам.

Экіпаж танка Leopard з 33-й АМБр УСУ атакаваў калону расейскай бранятэхнікі на Курахаўскім кірунку і знішчыў тры варожыя бронемашыны з пяці.

Як паведамляе Цензор.НЕТ, відэазапіс з фрагментамі паспяховых баявых дзеянняў украінскіх танкістаў апублікаваны на старонцы падраздзялення ў сацсетках.

“Адзін - на цэлую калону. Супольна з артылерыяй брыгадны экіпаж танка "Леапард" спыніў браняваную калону расейцаў. Дэсант паспешна высадзіўся ў лесапаласу, не дасягнуўшы прыярытэтных мэт. Недабіткаў дабілі скіды ад аператараў БПЛА. Ад эфектыўнай працы ў ворагаў проста зносіць галовы”, - пішуць байцы ў каментары да відэа.