Навукоўцы развеялі міф пра віртуальныя зносіны

• 14.11.2024, 20:08

У даследаванні ўдзельнічалі маладыя людзі ад 16 да 19 гадоў.

Эксперымент Кембрыджскага ўніверсітэта паказаў, што ў падлеткаў павышаецца трывожнасць ужо пасля некалькіх гадзінаў ізаляцыі, нават калі яны маюць зносіны з сябрамі і сям'ёй у інтэрнэце, піша «Нож».

У даследаванні ўдзельнічалі маладыя людзі ад 16 да 19 гадоў. У адной сесіі яны заставаліся ў адзіноце без сувязі, у другой маглі карыстацца тэлефонамі і інтэрнэтам.

У гэты час удзельнікам паказвалі выявы, адна з якіх суправаджалася рэзкім гукам, выклікаючы адчуванне небяспекі. З дапамогай электродаў у іх вымяралі электрадэрмальную актыўнасць як чыннік стрэсу.

Вынікі паказалі, што нават з доступам да сацыяльных сетак адчуванне пагрозы і трывогі пасля ізаляцыі заставалася вышэйшым за норму. Рэакцыя на пагрозу ўзмацнілася ў сярэднім на 70% у параўнанні з зыходным узроўнем.

«Патрэба ў сацыяльным узаемадзеянні асабліва вялікая ў падлеткаў, аднак лічбавыя зносіны гэтую патрэбу не заменяць», – расказалі аўтары даследавання.