Расея прызнала гібель маракоў затопленага БДК «Новачаркаск»

• 14.11.2024, 21:56

Карабель быў атакаваны ў бухце Феадосіі.

У расейскім Новачаркаску адкрылі мемарыяльную дошку з імёнамі 34 загінулых маракоў на патопленым падчас удару ўкраінскіх вайскоўцаў вялікім дэсантным караблі «Новачаркаск» у бухце Феадосіі.

Пра гэта паведамляе тэлеграм-канал Astra са спасылкай на маці аднаго з загінулых вайскоўцаў Элу Васільеву.

Яна апублікавала фота дошкі з імёнамі загінулых і ордэна мужнасці, якім пасмяротна ўзнагародзілі яе сына, Усевалада Курбатава.

Афіцыйна паведамлялася толькі пра двух загінулых – 64-гадовую ахоўніцу порта Надзею Тоўшчыну і 22-гадовага матроса Ігара Мешчаракова. Пазней сталі вядомыя імёны яшчэ чатырох «зніклых без вестак» і аднаго загінулага пасля ракетнай атакі матросаў.