У Менску грузавік МАЗ пратараніў трамвай

• 15.11.2024, 11:13

Здарэнне адбылося на вуліцы Якуба Коласа.

Сёння раніцай у Менску здарылася аварыя з удзелам грамадскага транспарту, паведамляе сталічная Дзяржаўтаінспекцыя.

Паводле папярэдняй інфармацыі, а 9.10 63-гадовы кіроўца, кіруючы грузавым аўтамабілем MAЗ, паблізу дома № 5 па вуліцы Якуба Коласа пры перабудове не пераканаўся ў бяспецы свайго манеўру і ўчыніў сутыкненне з трамваем, які рухаўся ў гэтым жа кірунку.

На шчасце, у выніку ДТЗ ніхто не пацярпеў.