Дзярждэп ЗША: У Беларусі амерыканцам пагражае большая небяспека, чым ва Украіне

• 15.11.2024, 12:39

Паездкі ў Беларусь застаюцца на максімальным, чацвёртым узроўні небяспекі.

У Беларусі грамадзянам ЗША пагражае большая небяспека, чым ва Украіне.

Такой думкі прытрымліваюцца ў Дзярждэпартаменце ЗША. Сёння Дзярждэп панізіў рызыку для паездак у дзевяць заходніх абласцей Украіны да трэцяга ўзроўню. І гэта пры тым, што Украіну кожную ноч абстрэльваюць расейскімі ракетамі і пад абстрэл трапляе таксама і захад краіны, паведамляе “Еўрарадыё”.

Паездкі ў Беларусь застаюцца на максімальным, чацвёртым узроўні небяспекі. У Дзярждэпе называюць палітычныя прычыны - "праз адвольнае выкарыстанне законаў і рызыкі затрымання".

Як паведамлялася раней, на пасаду кіраўніка Дзярждэпа ў новай адміністрацыі Дональда Трампа разглядаецца кандыдатура Марка Рубіё — аднаго з суаўтараў палітычных рэзалюцый аб Беларусі.