Зяленскі адказаў, калі будзе разуменне пазіцыі Трампа датычна Украіны

• 16.11.2024, 10:51

Прэзідэнт Украіны назваў умову.

Кіраўнік Украінскай дзяржавы Уладзімір Зяленскі заявіў, што разуменне пазіцыі абранага прэзідэнта ЗША Дональда Трампа датычна Украіны будзе толькі пасля сустрэчы з ім. Пра гэта Зяленскі сказаў 15 лістапада падчас размовы са студэнтамі і выкладнікамі вышэйшых навучальных установаў Калумбіі.

Відэазапіс апублікаваны на YouTube-канале «Зе!Прэзідэнт».

«Не хачу вам хлусіць. І таму магу вам шчыра сказаць, што разуменне пазіцыі прэзідэнта Трампа ў мяне будзе пасля таго, як мы падрабязна пра ўсё гэта прагаворым з ім пры сустрэчы, шырокай сустрэчы. І гэта можна зрабіць», – падкрэсліў Зяленскі.

Пры гэтым ён зазначыў, што не ўпэўнены, што гэта можна зрабіць правільна, перш чым Трамп будзе ў Белым доме пасля ўступлення на пасаду прэзідэнта ЗША ў студзені.

«Таму што там, толькі там пасля інаўгурацыі ў яго будзе поўная легітымнасць, каб займацца геапалітыкай», – указаў Зяленскі.