Сярод ночы «Белавія» нечакана скасавала рэйс у Маскву
- 16.11.2024, 13:03
Што адбываецца?
Сярод ночы кампанія «Белавія» скасавала рэйс у Маскву, але потым хутка яго аднавіла.
Пра гэта паведамілі ўладальнікі квіткоў на 16 лістапада ў неафіцыйным пабліку Гомельскага аэрапорта ў ВК, паведамляе «Флагшток».
«Менш чым за дзень "Белавія" разаслала пасажырам паведамленне пра скасаванне рэйсу Масква – Гомель 16.11.2024», – гаворыцца ў паведамленні.
Неўзабаве прыйшло паведамленне пра аднаўленне рэйсу.
На гэты момант квіткі даступныя да набыцця на сайце «Белавія».
Раней праз рамонт адзінага ў кампаніі Embraer-175 нацыянальны авіяперавознік не лятаў з Гомеля ў Маскву і назад цягам 10 дзён.