Апазіцыя ў Абахазіі абвясціла мабілізацыю ля будынка «парламента»

• 16.11.2024, 13:16

Уцекача «прэзідэнта» хочуць выправіць у адстаўку.

«Прэзідэнт» самаабвешчанай «рэспублікі» Абхазія Аслан Бжанія, чыёй адстаўкі дамагаецца апазіцыя, знаходзіцца хутчэй за ўсё ў роднай вёсцы Тамыш за 40 кіламетраў ад Сухумі.

Паводле інфармацыі «Апсныпрэс», Бжанія мае намер правесці сход у Тамышы, на якім будзе абмяркоўвацца «сітуацыя, якая склалася ў краіне».

У сацсетках апублікаваныя кадры прыбыцця Бжанія ў Тамыш пасля звароту да прыхільнікаў.

У прэс-службе Бжанія сёння таксама паведамілі, што ён не падпісваў дакумент аб адкліканні з «парламента» пагаднення аб расейскіх інвестыцыях.

Каардынацыйная рада, створаная напярэдадні апазіцыяй, сёння заклікала грамадзянаў Абхазіі прыбыць а 14-й паводле мясцовага часу да «парламента», паведамляе «Рэха Каўказа».

«Аслан Бжанія прадпрымае адчайныя спробы захаваць бачнасць улады, чапляючыся за фармальнасці. Час ягонага кіравання ўжо скончыўся.

Тое, што адбываецца сёння ў Абхазіі – гэта заканамерны адказ грамадства на антынародную палітыку Аслана Бжанія, арыентаваную толькі на ўзбагачэнне сваякоў і вузкага кола набліжаных.

Наша задача дамагчыся адстаўкі Бжанія і стабілізаваць палітычную сітуацыю ў краіне.

Адказна заяўляем, што ўсе органы, якія забяспечваюць жыццядзейнасць "рэспублікі", прадаўжаюць працаваць у штатным рэжыме», – гаворыцца ў заяве.

Раней адзін з лідараў апазіцыі Леван Мікаа заявіў, што калі Бжанія не пагодзіцца падаць у адстаўку, да працэсу адрачэння могуць быць падключаны абхазскі «парламент».