Стадаляравая купюра здзівіла экспертаў у Гародні

• 16.11.2024, 17:15

Думалі, што фальшыўка, а ўсё павярнулася значна цікавей.

Гарадзенскія эксперты даследавалі стадаляравую купюру, вырабленую ў 1996 годзе. Пра гэта паведамляе Дзяржаўны камітэт судовых экспертызаў.

Супрацоўніца банка падумала, што банкнота падробленая – сумневы ў сапраўднасці былі выкліканыя іншым размяшчэннем вадзянога знака і ахоўнай ніткі. Але, паводле высноваў судовага эксперта, яна была сапраўднай, а «неадпаведнасці ў грашовым білеце абумоўленыя адхіленнямі ад тэхналагічнага працэсу, дапушчанымі пры яго вытворчасці», гэта значыць папросту бракам.

Эксперты таксама дадалі, што брак у вытворчасці купюраў сустракаецца даволі рэдка і такія банкноты выклікаюць цікавасць у калекцыянераў.