У прыгарадзе Парыжа ўладальнік рэстарацыі захапіў у заложнікі некалькіх супрацоўнікаў

• 16.11.2024, 17:22

Паліцыя ачапіла раён.

У прыгарадзе Парыжа Ісі-Ле-Муліна ў адным з рэстаранаў адбыўся захоп закладнікаў, паведамляе BFM TV.

Паводле папярэдніх звестак, заложнікаў утрымлівае гаспадар рэстарацыі. Ён забарыкадзіраваўся ўнутры ўстановы. Le Figaro піша, што захопнік - не ўладальнік рэстарацыі, а яго сын. Паводле звестак выдання, ён пагражае здзейсніць самагубства. BFM паведамляе, што мужчына ўзброены нажом.

Паводле звестак Le Figaro, наведвальнікаў у рэстарацыі ў момант захопу не было, усе закладнікі - супрацоўнікі ўстановы. Іх тры ці чатыры чалавекі.

Матывы злачынцы таксама незразумелыя. На месцы ўжо знаходзіцца паліцыя.