УСУ ліквідавалі адміністратара аднаго з самых буйных Z-каналаў Расеі

• 16.11.2024, 20:27

Падчас баёў на Данецкім кірунку.

Яшчэ адзін небяспечны вораг Украіны ліквідаваны. На фронце стаў "грузам 200" высокапастаўлены расейскі вайсковы Ягор з пазыўным "Шчыт". Ён быў адміністратарам Z-канала "Арханёл спецназа Z", у якога больш за мільён падпісчыкаў.

Аб ліквідацыі акупанта расейскія прапагандысты паведамілі 16 лістапада, паведамляе dialog.ua.

"На Данецкім кірунку пры правядзенні штурмавых дзеянняў у стралковым баі загінуў адзін з адмінаў праекта "Арханёл Спецназа" Ягор «Шчыт", - паведаміў канал.

Прозвішча і пасаду свайго ліквідаванага адміністратара Z-канал хавае. Імаверна, ён займаў кіруючую пасаду ў падраздзяленні ПДВ акупацыйнага войска РФ.

Адзначым, што на Данбасе РФ ужо некалькі месяцаў працягвае сваё вялікае наступленне.