УСУ зладзілі маштабную засаду войска РФ у Харкаўскай вобласці

• 17.11.2024, 14:37

Ліквідаваныя дзясяткі расейцаў.

У Харкаўскай вобласці дзясяткі расейцаў патрапілі ў засаду і былі ліквідаваныя ўкраінскімі вайскоўцамі. У 3-й асобнай штурмавой брыгадзе распавялі, што паспяховую аперацыю праводзілі цягам трох дзён, паведамляе «Дыялог.UA».

Аперацыю з засады выконвалі толькі дзве штурмавыя групы байцоў УСУ. Камандзір 2-й роты 2-га штурмавога батальёна 3-й АШБр з пазыўным «Дацык» апублікаваў відэа, на якім паказаў 18 цел акупантаў.

Таксама ён расказаў, што на перыметры лясной пасадкі знаходзіцца яшчэ 21 цела загінулых расейскіх жаўнераў. Некаторыя з іх застылі ў моманце адрыву чэкі, іншыя сталі купкай камуфляжу, дзе распазнаць чалавека ўжо не проста.

У жніўні брыгада праводзіла паспяховыя контратакі ў раёне Новавадзянога Луганскай вобласці.