Украінскія пілоты F-16 збілі амаль 10 паветраных цэляў падчас ракетнага нападу РФ

• 17.11.2024, 15:32

Зяленскі раскрыў падрабязнасці.

Цягам тыдня войскі РФ ужылі амаль 140 ракет розных тыпаў, больш за 900 кіраваных авіяцыйных бомбаў і больш за 600 ударных дронаў.

Аб гэтым паведаміў у тэлеграм-канале прэзідэнт Украіны Уладзімір Зяленскі.

«Сёння нашыя пілоты F-16 збілі амаль 10 паветраных цэляў. Цяпер працягваецца ліквідацыя наступстваў камбінаванай атакі на нашу інфраструктуру ў Ровенскай, Львоўскай, Днепрапятроўскай, Валынскай і Адэскай абласцях», - адзначае кіраўнік дзяржавы.