УСУ падарвалі расейскі «Тор»

• 17.11.2024, 18:22

Бомбы скінулі на самую ўразлівую частку ЗРК.

Сілы беспілотных сістэм УСУ знішчылі расейскі зенітна-ракетны комплекс «Тор» у Данецкай вобласці. Фрагмент відэа публікуе Тэлеграм-канал "Украіна 365".

Расейская сістэма супрацьпаветранай абароны была знойдзена аператарамі аэравыведкі са складу 412-га асобнага батальёна беспілотных сістэм Nemesis. Знішчэнне адбылося непасрэдна з квадракоптара, на які былі падвешаны боепрыпасы, скінутыя на СПА ў адсеку размяшчэння зенітных ракет.

Слабым месцам гэтых сістэм з'яўляецца тое, што пры мінімальным пашкоджанні РЛС навядзенне зенітных ракет комплексам становіцца немагчымым, а сістэма патрабуе рамонту.