Украінскія БПЛА атакавалі Маскву

• 18.11.2024, 8:11

Прагрымелі выбухі.

У Падмаскоўі (Расейская Федэрацыя) уночы на 18 лістапада працавалі сілы і сродкі СПА праз паветраны напад. Быў зафіксаваны рух БПЛА ў бок Масквы.

Пра гэта паведамляе Telegram мэра Масквы Сяргея Сабяніна.

Са слоў мэра сталіцы краіны-агрэсаркі, гэтай ноччу ў Раменскай гарадской акрузе, што ў складзе Маскоўскай вобласці, нібыта была «адбітая атака беспілотніка, які ляцеў на Маскву».

«На месцы падзення абломкаў, паводле папярэдніх звестак, разбурэнняў і пацярпелых няма», - гаворыцца ў яго заяве.

Таксама Сабянін расказаў, што на месцы здарэння працуюць спецыялісты экстранных службаў.

Пазней у сетцы з'явіліся кадры з гукамі выбуху.

Пазней маскоўскі мэр заявіў, што быў збіты яшчэ адзін дрон, на гэты раз у Паўлава-Пасадскай гарадской акрузе.