Жыхарка Мазыра зняла на мабільнік «свой адыход ад аўто ДАІ»

• 18.11.2024, 11:08

І зарабіла некалькі адміністрацыйных спраў.

У Мазыры была затрымана 33-гадовая мясцовая жыхарка за публікацыю відэа, у якім фігуруе супрацоўнік мясцовай ДАІ. Пра гэта паведамляе неафіцыйны тэлеграм-канал МУС.

Паводле інфармацыі ведамства, паміж жанчынай і інспектарам не ўзнікла ніякай канфліктнай сітуацыі. Яна проста зняла на тэлефон, як пакідае аўтамабіль ДАІ, а затым вырашыла "пагуляць" з відэа, дадаўшы гукавую дарожку з "зусім іншай оперы", што нібыта "абразіла" супрацоўніка ДАІ.

Як сцвярджае тэлеграм-канал, у аддзеле міліцыі жанчына прызнала сваю віну, зазначыўшы, што не падумала аб наступствах. У выніку "вывучэння" яе старонкі, сілавікі склалі некалькі адміністрацыйных пратаколаў супраць жанчыны.