Беларускі хакеіст хоча гуляць за каманду Польшчы

• 18.11.2024, 11:46

Ён атрымаў польскі пашпарт.

Польскі пашпарт атрымаў 25-гадовы форвард "Торуні" Мікалай Сыты, піша Беларускі хакей.

«Калі ласка, клічце мяне Мікалай, з гэтага моманту мы будзем выкарыстоўваць польскае імя. Я рады, што ў мяне ўжо ёсць польскае грамадзянства, гэта было крыху нервова, але ўсё скончылася добра.

Пакуль тэлефон каманды Польшчы маўчыць, але я буду рады згуляць за каманду Польшчы», - цытуе Сытага прэс-служба клуба.

Сыты выступае за "Торунь" з 2021 года. У гэтым сезоне ён набраў 16 (7+9) балаў у 16 матчах чэмпіянату Польшчы.