У адной з беларускіх маршрутак заўважылі «камін»

• 18.11.2024, 16:12

Кіроўца надумаў «стварыць па-сапраўднаму цёплую атмасферу ў салоне».

У маршрутцы, якая ездзіць з Гародні ў Менск і назад, пасажыры заўважылі "камін". Так кіроўца надумаў «стварыць па-сапраўднаму цёплую атмасферу ў салоне», піша «Тэлеграф».

Магчыма, вы здагадаліся, што камін не сапраўдны, а віртуальны. Кіроўца вывеў на экран у маршрутцы відэа, якое імітуе агонь.

Са слоў кіроўцы, за цяпло ў салоне напраўду адказвае аўтаномны ацяпляльнік.

«Перад халадамі якраз праверыў ягоную працу, правёў неабходнае абслугоўванне. Вось разам з пасажырамі і выпрабавалі. Кажуць, што грэе выдатна!», - расказаў ён.

Гавораць, што пасажыры камін ацанілі.

«Ёсць нешта ў агні чароўнае і супакаяльнае. Ды і дровы падкідваць не трэба: стае да Менска», - адзначылі ў МАП.