Ці могуць беларусы ўвозіць феерверкі і петарды з-за мяжы?

• 19.11.2024, 11:00

У мытні адказалі.

Фізічным асобам нельга ўвозіць піратэхнічныя вырабы ў Беларусь з-за мяжы, паведамляе праўладны АНТ са спасылкай на Дзяржаўны мытны камітэт.

Рэч у тым, што такая прадукцыя нібыта не належыць да тавараў для асабістага карыстання. Яна ўключаная ў адпаведны пералік з 6 кастрычніка 2024 года.

Таксама пералік папоўнілі іншыя вырабы. Сярод іх – каруселі, арэлі, манекены для краўцоў, бытавая тэхніка, якая ўвозіцца ў разабраным выглядзе, выбуховыя і гаручыя рэчывы, тавары, якія выкарыстоўваюцца ў салонах прыгажосці, спа-цэнтрах, цырульнях.

З поўным спісам тавараў, якія не адносяцца да тавараў для асабістага карыстання, можна азнаёміцца на сайце ведамства.