Вялікабрытанія падрыхтуе 50 тысяч байцоў УСУ ў рамках місіі Interflex

• 19.11.2024, 15:59

Мінабароны краіны раскрыла падрабязнасці.

Вялікабрытанія працягвае навучальную місію Interflex, падрыхтоўку ўжо прайшлі 50 тысяч украінскіх вайскоўцаў. Пра гэта паведаміла Мінабароны Вялікабрытаніі ў сацсетцы X.

Са звестак брытанскага абароннага ведамства, украінскіх навабранцаў падрыхтавалі ў рамках навучальнай місіі Interflex, яны падвысілі свае навыкі і гатоўнасць.

Апошнімі краінамі, якія далучыліся да гэтых глабальных намаганняў, сталі Косава, Румынія і Эстонія, адзначылі брытанскія вайскоўцы.

У краінах Еўропы праводзяцца дзве праграмы навучання ўкраінскіх вайскоўцаў. У рамках праекта Interflex, які ўзначальвае Брытанія, інструктары з 12 краін навучаюць байцоў УСУ палявым навыкам. Таксама ёсць ініцыятыва EUMAM пад эгідай ЕЗ.