Літва перастала прапускаць грузавікі цераз мяжу з Беларуссю

• 19.11.2024, 20:15

Праз «Каменны Лог» і «Беняконі» спрабуюць выехаць блізу 1000 фур.

У літоўскіх пунктах пропуску «Меднікі» і «Салечнікі» прыпыненае афармленне грузавых аўтамабіляў. Як паведамляе мытны камітэт Беларусі, з 9:00 літоўскі бок спыніў рэгістрацыю фур на ўезд, а з 12:00 - на выезд.

Пры гэтым у Дзяржаўным мытным камітэце Беларусі зазначаюць, што літоўскі бок не даў інфармацыі аб прычынах спынення афармлення грузавікоў. Цяпер праз пункты «Каменны Лог» і «Беняконі» спрабуюць выехаць блізу 1000 транспартных сродкаў з Беларусі.