Кіраўнік МЗС Эстоніі: Трое грамадзян Эстоніі па-ранейшаму знаходзяцца ў турмах Лукашэнкі

• 19.11.2024, 19:15

У беларускіх турмах знаходзяцца і грамадзяне іншых краін Балтыі.

Трое грамадзян Эстоніі па-ранейшаму знаходзяцца ў беларускіх турмах, заявіў сёння міністр замежных спраў Маргус Цахкна на прэс-канферэнцыі, якая адбылася ў МЗС, піша эстонскае выданне a target="_blank" href=https://rus.postimees.ee/8137801/margus-cahkna-tri-grazhdanina-estonii-po-prezhnemu-nahodyatsya-v-tyurmah-lukashenko>Postimees.

«Мы ведаем, што яны там. Мы з імі ў кантакце і стараемся іх падтрымліваць», - сказаў Цахкна ў адказе на пытанне аб магчымасці вызвалення грамадзян Эстоніі з беларускіх турмаў.

Цахкна не змог даць дадатковую інфармацыю аб затрыманых у Беларусі эстонцах, ён таксама не адказаў на пытанне, ці можна ўважаць каго-небудзь з іх палітычным зняволеным.

Паводле звестак праваабаронцаў, зараз у Беларусі затрыманыя або адбываюць пакаранне грамадзяне Латвіі, Польшчы, Літвы, Японіі, Расеі і іншых краін.