«Чакаў, калі зойдзе баяніст ці блазан»

• 2.11.2024, 10:10

З'явілася дзіўнае відэа з першай электрычкі на Маладзечне.

У TikTok апублікавалі, здавалася б, звычайнае відэа: вагон беларускай электрычкі з цьмяным мігатлівым святлом раніцай. Але аўтар роліка, як і большасць каментатараў, убачылі там атмасферу фільма жахаў, піша «Тэлеграф»

У апісанні да відэа блогер удакладніў, што гэта была першая электрычка да Маладзечна. «У стылі карэйскага horror movie [фільма жахаў]. Назаву яго "Пакуль ты спаў"», – мабыць, пачаў прадумваць сцэнар фільма аўтар роліка.

«Там так атмасферна…» – адзначыў адзін каментатар.

«Але рэальна жудасна», – падзяліўся адчуваннямі іншы.

«Страшна выходзіць на наступным», – спалохаўся трэці.

Але не ўсе каментатары прасякнуліся «жудаснай» атмасферай гэтай электрычкі: «А па-мойму, неяк нават утульна і хочацца спаць».

«Чакаў, калі зойдзе баяніст ці блазан. Вось тады сапраўды хорар», – пафантазіяваў яшчэ адзін карыстальнік TikTok.