ГУВ даведалася, чым Расея ўзброіла «асаблівых буратаў» з КНДР

• 2.11.2024, 11:45

Украінская выведка паведаміла падрабязнасці.

У раёны, блізкія з Украінай, Расея перакінула 7 тысячаў паўночнакарэйскіх вайскоўцаў. У ГУВ даведаліся, чым узброілі «навабранцаў».

Пра гэта паведамляе ГУВ.

Так, у апошні тыдзень кастрычніка Расея перакінула з Прыморскага краю ў раёны паблізу Украіны больш за 7 тысячаў салдатаў войска КНДР.

«КНДРаўцаў Масква ўзброіла, сярод іншага, мінамётамі калібру 60 мм, аўтаматамі АК-12, кулямётамі РПК/ПКМ, снайперскімі вінтоўкамі СВД/ЗВЧ, ПТРК “Фенікс” і РПГ-7», – расказалі ў выведцы.

Таксама паўночным карэйцам ці, як іх завуць у расейскім акупацыйным войску, «асаблівым буратам» выдалі некалькі прыбораў начной візіі, цеплавізараў, каліматорных прыцэлаў і бінокляў.

«Паўночнакарэйскія войскі перамяшчалі з дапамогай не менш як 28 ваенна-транспартных бартоў ПКС РФ», – дадалі ў ГУВ.