У Лунінцы сарвалі лукашэнкаўскі сцяг

• 2.11.2024, 16:00

Гэта зрабілі двое сяброў.

У Лунінцы паказальна асудзілі двух сяброў за сарваны чырвона-зялёны сцяг.

Артур Молчан і Артур Канапацкі прысуджаныя да 6 месяцаў калоніі. Такі вырак 31 кастрычніка абвясціла суддзя Святлана Братанава, піша «Берасцейская вясна».

Само судовае слуханне праходзіла ў паказальным рэжыме, па-за будынкам суда, перад навучэнцамі політэхнічнага і аграрнага каледжаў.

Канапацкага і Молчана ў прысутнасці публікі паказальна ўзялі пад варту пасля абвяшчэння прысуду.

Сутнасць прэтэнзій да Молчана і Канапацкага палягала ў тым, што летам 2021 года ў Дзятлавічах знялі з крамы дзяржфлаг, а пасля нібыта спалілі ў лесе. Такім чынам, паводле версіі абвінавачання і суддзі, адбылося злачынства «здзек з дзяржсімвала» (артыкул 370 КК).