«Ух, аскепкі паляцелі»: расейцы захваляваліся праз масаваны налёт дронаў

• 20.11.2024, 8:09

Пад Бранскам і Варонежам - выбухі і пажары

Увечары ў аўторак, 19 лістапада, шэраг расейскіх абласцей апынуліся пад ударам беспілотнікаў-камікадзэ. Расейскія СМІ паведамляюць пра не менш 45 невядомых БПЛА ў паветранай прасторы краіны, піша «Дыялог.UA».

Са звестак расейскіх СМІ, робаты зафіксаваныя ў Бранскай, Арлоўскай, Курскай, Белгарадскай, Растоўскай, Варонежскай і іншых абласцях РФ.

Мяркуючы з апублікаваных кадраў, многім БПЛА ўдалося прарвацца праз «парасон» расейскай СПА і паспяхова атакаваць цэлі.

Пад ударам апынуўся і расейскі маслатлушчавы завод ЭФКА ў горадзе Аляксееўка, што ў Белгарадскай вобласці. Відавочца паспеў зняць наступствы на відэа.

«Завод кампаніі ЭФКА! Стукнула! Патрапіў квадракоптар толькі што. Гамон. Ачмурэць. Дажыліся», - заявіў мужчына. Ёсць звесткі аб прылётах па прамысловым аб'екце у Варонежскай вобласці

На фоне паведамленняў з заявай у Telegram выступіў кіраўнік Офіса ўкраінскага прэзідэнта Андрэй Ярмак. «Сіла ляціць», - напісаў ён.