ЗША папярэдзілі пра магчымую «значную атаку» на Украіну 20 лістапада

• 20.11.2024, 10:29

Амбасада ЗША ў Кіеве атрымала пэўную інфармацыю.

На сайце амерыканскага пасольства ва Украіне з'явілася інфармацыя аб тым, што 20 лістапада дыпламатычнае ведамства працаваць не будзе. Прычынай таму — атрыманая інфармацыя аб магчымым «значным паветраным нападзе.

«Амбасада ЗША ў Кіеве атрымала канкрэтную інфармацыю аб патэнцыйнай значнай паветранай атацы 20 лістапада. У якасці меры засцярогі пасольства будзе закрытае, а яго супрацоўнікам даручана схавацца на месцы. Амбасада ЗША рэкамендуе грамадзянам ЗША быць гатовымі неадкладна схавацца ў выпадку абвяшчэння паветранай трывогі», - гаворыцца ў аб'яве.

Дыпламаты просяць суайчыннікаў не ігнараваць сігнал паветранай трывогі і неадкладна схавацца ў загадзя вызначаным сховішчы, калі яна абвешчаная.

Нагадаем, уночы 19 лістапада Украіна ўпершыню атакавала Расею ракетамі ATACM.