Беларусам стаў даступны дадатковы выхадны

• 20.11.2024, 15:47

Як яго ўзяць.

З 2024 года ў беларусаў з'явілася магчымасць браць адзін дадатковы выхадны, які аплачваецца. Ён выдаецца для таго, каб прайсці медыцынскае абследаванне (дыспансерызацыю).

Smartpress.by піша, як яго ўзяць, і ці трэба пацвярджаць, што гэты дзень вы змарнавалі менавіта для паходу ў паліклініку.

Дату трэба ўзгадняць?

Так, каб прайсці дыспансерызацыю, работніку трэба ўзгадніць з наймальнікам пэўную дату і напісаць заяву. Наймальнік выдасць загад аб вызваленні супрацоўніка ад працы для праходжання медабследавання.

Як часта можна браць выходны?

Усё залежыць ад узросту супрацоўніка:

да 40 гадоў - 1 раз на 3 гады;

пасля 40 гадоў - 1 раз штогод;

для дасягненні пенсійнага ўзросту, а таксама на працягу 5 гадоў да дасягнення такога ўзросту (жанчыны з 53 гадоў, мужчыны з 58 гадоў) — 2 дні штогод.

Важна: выходны даецца з захаваннем сярэдняга заробку.

А можна ўзяць выходны для медабследавання, але займацца іншымі справамі?

Неабходнасць пацвярджаць, што вы патрацілі вольны дзень менавіта на медыцынскія абследаванні, рэгулюецца ў кожнай канкрэтнай арганізацыі асобна.

"Калі наймальнік палічыць патрэбным і ў лакальным прававым акце арганізацыі гэта будзе пазначана, як абавязак выдачы работнікам нейкага пацвярджальнага дакумента, то тады работнік будзе абавязаны гэты дакумент паказацьь", - растлумачылі ў Мінпрацы.

А можна прайсці дыспансерызацыю ў прыватным цэнтры?

Прыватныя медыцынскія цэнтры не займаюцца дыспансерызацыяй. Для яе праходжання неабходна звяртацца ў паліклініку па месцы жыхарства (знаходжання), а таксама на месцы працы.