Defense Express: УСУ ўдарылі ракетамі Storm Shadow па бункеры з генераламі РФ і КНДР

• 20.11.2024, 18:42

Гэта вайсковы аб'ект кіраўніцтва справамі Пуціна.

УСУ маглі стукнуць па падземным бункеры з расейскімі і паўночнакарэйскімі генераламі ў Курскай вобласці РФ.

Аб гэтым піша выданне Defence Express.

З'явілася відэа з населенага пункта Мар'іна.

Для ўдару была скарыстаная даволі значная колькасць ракет. На відэа чуваць блізу 15 выбухаў, хаця частка з іх можа быць працай сістэм СПА. Але не менш цікавай з'яўляецца цэль.

Відэа знятае побач з гістарычным будынкам маёнтка Барацінскіх, які зараз з'яўляецца санаторыем, падпарадкаваным кіраўніцтву справамі Пуціна.

Фігуруе інфармацыя, што там вайсковы аб'ект тыпу «вузел сувязі».

З вялікай доляй імавернасці размова ідзе далёка не аб шараговым аб'екце сувязістаў, а аб падземным камандным пункце. Улічваючы блізкасць санаторыя, вельмі магчымае тое, што ім карысталася камандаванне групоўкай расейскіх войск у Курскай вобласці. А улічваючы тое, што менавіта там дзейнічаюць і войскі КНДР, не выключна, што там маглі знаходзіцца і паўночнакарэйскія генералы.

Як мінімум менавіта такая катэгорыя асоб і менавіта такі аб'ект цалкам варты выкарыстання даволі значнай колькасці крылатых ракет Storm Shadow/SCALP.