Брытанскі генерал: Мы гатовыя да бою з войскамі Пуціна ва Усходняй Еўропе

• 21.11.2024, 18:00

Узброеныя сілы Вялікай Брытаніі маюць «шэраг аператыўных пераваг».

Брытанія гатовая накіраваць сваіх жаўнераў на вайну з расейцамі. Гэта магчыма, калі Масква ўварвецца ў адну з краін NATO на ўсходнім флангу.

Пра гэта заявіў намеснік начальніка штаба абароны Брытаніі генерал-лейтэнант Роб Магоўэн, паведамляе РБК-Украіна са спасылкай на Politico.

Магоўэна падчас выступу ў абаронным камітэце Палаты абшчын Вялікай Брытаніі спыталі, колькі брытанскіх брыгад можа быць перакінута на ўсходні фланг NATO ў выпадку сур'ёзнай эскалацыі з боку Расеі.

У адказ генерал-лейтэнант запэўніў, што калі б Брытанію папрасілі змагацца сёння ўвечары, яна б гэта зрабіла.

«Я не думаю, што нехта ў гэтай зале павінен мець ілюзіі наконт таго, што калі б расейцы ўварваліся ва Усходнюю Еўропу сёння ўвечары, то мы б сустрэлі іх у гэтым баі», - запэўніў Магоўэн.

Ён удакладніў, што Узброеныя сілы Вялікай Брытаніі маюць «шэраг аператыўных выклікаў і аператыўных пераваг».