УСУ ўзялі ў палон вялікую групу расейцаў пад Курскам

• 22.11.2024, 9:13

У войску РФ зараз зафіксаваны антырэкорд у стратах.

Пазітыўнымі навінамі на Курскім кірунку падзяліўся ваенна-палітычны аналітык Дзмітрый Снегіроў. Сваю заяву ён зрабіў у эфіры тэлеканала FREEДОМ.

«Згодна са звестак Генштаба УСУ, можна сказаць аб паспяховым характары баявых дзеянняў Сіл абароны Украіны як у правядзенні абароны, так і наступальных дзеянняў. Расейскім акупантам не ўдалося прадушыць абарону Украіны ў раёне Малой Локні, самыя цяжкія баі працягваюцца ў раёне Пляхава (сяла ў Суджанскім раёне Курскай вобласці РФ, - рэд.)», - сказаў Снегіром.

Як растлумачыў аналітык, 26 акупантаў удалося ўзяць у палон украінскім дэсантнікам, байцам 80-й асобнай дэсантна-штурмавой брыгады УСУ.

"Гаворка ідзе аб тым, што 26 расейскіх вайскоўцаў захопленыя ў палон толькі падчас аднаго баявога сутыкнення", - удакладніў госць эфіру.

Ён таксама зазначыў, што ў кастрычніку расейскія войскі панеслі рэкордныя страты на фронце.

«За кастрычнік Расейская Федэрацыя панесла сур'ёзныя страты ў асабовым складзе - 42 000 чалавек. Яны перавысілі свой жа антырэкорд траўня. Тады страты налічвалі каля 39 000 знішчаных расейскіх акупантаў. Гэта значыць, можам казаць аб тым, што Сілы абароны Украіны праводзяць паспяховыя дзеянні ў актыўнай абароне, і праводзяць аперацыі ў плане паляпшэння тактычных палажэнняў на асобных участках фронту », - акцэнтаваў госць эфіру.

Са слоў Снегірова, Расея здольная штомесяц папаўняць асабовы склад на 30-35 тысяч чалавек. Аднак страты на 42 тысячы значна перавышаюць гэтыя тэмпы, што ўскладняе магчымасць узнаўлення жывой сілы.