СМІ: Памёр дзед Мікалая Лукашэнкі

• 22.11.2024, 10:47

Яго пахавалі на Усходніх (Маскоўскіх) могілках Менска.

14 лістапада 2023 года ва ўзросце 90 гадоў памёр Сцяпан Пастаялка - бацька Ірыны Абельскай, якую ў СМІ называюць маці Мікалая Лукашэнкі (і чаму было дастаткова пацвярджэнняў). Пра гэта паведаміла «Наша Ніва».

Сцяпана Пастаялку пахавалі на прэстыжных Усходніх (Маскоўскіх) могілках Менска, але без гучных цырымоній і некралогаў у дзяржаўных СМІ.

Як піша «Наша Ніва», Пастаялка пахаваны на VIP-алеі могілак. Асобна ад жонкі, затое побач з міністрам замежных спраў Беларусі Уладзімірам Макеем, а таксама кіраўнікамі БССР Яфрэмам Сакаловым і Анатолем Малафеевым.