Пентагон: Расея апавясціла ЗША незадоўга да запуску ракеты

• 22.11.2024, 11:34

Вашынгтон заявіў аб гатоўнасці падтрымліваць Украіну і надалей.

Расея папярэдзіла Злучаныя Штаты па каналах зніжэння ядзерных рызык незадоўга да запуску балістычнай ракеты «Арэшнік» у чацвер, 21 лістапада. Пра гэта заявіла прадстаўніца прэс-службы Пентагона Сабрына Сінгх, паведамляе Bloomberg.

«Расея сапраўды запусціла эксперыментальную балістычную ракету сярэдняй далёкасці», – сказала яна.

У адказе на пытанне пра рэакцыю ЗША на ўдар Сінгх адзначыла, што «мы сканцэнтраваныя на тым, каб працягваць надаваць Украіне неабходную падтрымку».