BILD: Гэта шакавальныя кадры

• 22.11.2024, 13:37

Ганьба "другога войска свету".

Для наступальнай аперацыі на Данбасе расейскія акупацыйныя войскі выкарыстоўваюць не бранятэхніку, а грамадзянскія аўтамабілі.

На новыя кадры з перадавой, якія з'явіліся ў Сеціве, звярнуў увагу экспэрт Bild у аналізе адкрытых звестак Юльян Рэпкэ.

На адным з відэа захавана, як чацвёра расейскіх акупантаў пайшлі на штурм украінскіх пазіцый пад Пакроўскім на аўтамабілі ВАЗ-2106 і загінулі. Героямі іншага відэа сталі расейскія захопнікі, якія вырашылі ісці ў атаку на трох "Нівах", пераабсталяваных у ваенныя пікапы. Яны таксама сталі мішэнню для ўкраінскіх дронаў.

Раней таксама было заўважана, што пра нястачу бранятэхнікі акупантаў на лінію фронту дастаўляюць кітайскія гольфкары.

Каментуючы спробы штурмаў расейцаў на цывільных аўто, Рэпкэ адзначыў, што "гэта прыводзіць да вялізных страт".

“Гэта шакавальныя кадры, таму што так званае другое войска свету вымушана наступаць на «Ладах», — іранізуе Рэпкэ.