СМІ: Курская аперацыя сарвала расейскі план

• 22.11.2024, 18:55

Акупанты рыхтавалі захоп Запарожжа.

Правядзенне Курскай аперацыі сарвала расейцам стратэгічную аперацыю захопу Запарожжа, паведаміў LIGA.net суразмоўца ў камандаванні Генеральнага штаба УСУ.

Паводле ягоных слоў, аперацыя рабілася як спроба адцягнуць намаганні расейцаў ад штурмаў на Пакроўскім і Курахаўскім кірунках.

"Тады нарадзілася ідэя Курскай аперацыі. Чаму Курская вобласць? Там была самая слабая абарона", - заявіў суразмоўца.

Расейцы былі перакананыя ў адсутнасці рэзерваў у Украіны, таму засакрэчаная падрыхтоўка да аперацыі прайшла паспяхова.

У пачатку Курскай аперацыі кантынгент расейцаў там склаў блізу 40 000 асабовага складу, кажа суразмоўца. Аднак дзякуючы эфекту раптоўнасці Сілам абароны атрымалася дамагчыся значных поспехаў і рушыць наперад углыб тэрыторыі Расеі.

Каб стрымаць прасоўванне Сіл абароны і кампенсаваць значныя страты, панесеныя расейскімі войскамі, камандаванне РФ прыняло пастанову перакінуць у Курскую вобласць падраздзяленні, якія былі на паўднёвых напрамках ва Украіне.

"Каб вы разумелі важнасць Курска, дзеля таго, каб выцесніць нас адтуль, расейцы адмовіліся ад стратэгічнага для іх наступу на Запарожжа", – кажа суразмоўца.