Украінскі спецназ учыніў вокамгненны разгром расейцаў пад Курскам

• 23.11.2024, 10:08

Атака стала поўнай нечаканасцю для ворага.

Украінскія воіны прадаўжаюць аперацыю на тэрыторыі Курскай вобласці. На днях байцы Сілаў спецаперацый Украіны падчас выведкі вынікова штурмавалі варожыя пазіцыі ў гэтым расейскім рэгіёне.

Дзесяць акупантаў былі ліквідаваныя, яшчэ трое папоўнілі абменны фонд. Відэа баявой працы апублікавалі на Facebook-старонцы ССА.

«Падчас вядзення спецыяльнай выведкі на Куршчыне воіны 8 палка спецыяльнага прызначэння ССА імя Князя Ізяслава Мсціславіча здзейснілі налёт на пазіцыі ворага. Аператары ССА вокамгненна знішчылі 10 акупантаў, яшчэ трое папоўнілі абменны фонд», – гаворыцца ў паведамленні.

На апублікаваных кадрах відаць, як украінскія абаронцы знішчаюць захопленых на пазіцыях акупантаў.

Трое расейцаў аказаліся разумнейшымі за астатніх «таварышаў» і здаліся ў палон. У адказ на пытанне ўкраінскага воіна, куды падзеліся астатнія расейскія вайскоўцы, палонныя адказалі, што «ўсіх знішчылі яшчэ ноччу».