Як Лукашэнка нахлусіў пра беларускую адукацыю

• 23.11.2024, 17:26

Супраць лічбаў не папрэш.

Лукашэнка заявіў, што адукацыя ў Беларусі не горшая, чым на Захадзе. Але сусветныя рэйтынгі кажуць пра іншае, піша чытач сайта Charter97.org:

- Калі летась БДУ знаходзіўся ў групе 1201 - 1500 у аўтарытэтным рэйтынгу Times Higher Education, то ў гэтым перамясціўся ў групу 1501+. Гэты ўніверсітэт займае першае месца сярод беларускіх ВНУ з 25,2 баламі за навучанне, 12,2 - за даследаванні.

І гэта не дзіўна, бо ў ходзе рэпрэсій толькі ў БДУ было звольнена больш за 500 супрацоўнікаў і адлічана 140 студэнтаў. Адукаваныя людзі, здольныя да мыслення, найболей востра разумелі неабходнасць змен у краіне. Актыўна выступалі супраць Лукашэнкі, арганізоўвалі акцыі пасля фальсіфікацый. Рэпрэсаваныя навукоўцы і студэнты знаходзяць прыстанак і працу на Захадзе. А беларускія ВНУ дэградуюць.