У Беларусі абвешчаны жоўты ўзровень небяспекі

Праз галалёд.

Белгідрамет паведаміў, што ў нядзелю ў некаторых рэгіёнах краіны магчымы галалёд. У сувязі з гэтым сіноптыкі абвясцілі жоўты ўзровень небяспекі.

У ноч на нядзелю ў Берасці і Гомелі тэмпература складзе ад -1 да -3 градусаў. У Віцебску, Горадні, Магілёве і Менску чакаецца -2, -4 градусы.

Удзень паветра прагрэецца да +1, +2. У Берасці і Горадні тэмпература можа дасягнуць +3 градусаў.

Галалёдзіца прагназуецца на большай частцы краіны, за выключэннем Горадні і Менска.

Апошнія навіны