УСУ патрапілі па расейскаму ЗРК «С-400» у Курскай вобласці

• 24.11.2024, 13:20

Украінскі Генштаб раскрыў падрабязнасці.

Украіна ўдарыла па падраздзяленні УС РФ, якое, хутчэй за ўсё, абстрэльвала мірных жыхароў.

Падраздзяленні ракетных войск Узброеных Сіл Украіны ва ўзаемадзеянні з іншымі складнікамі Сіл абароны нанеслі групавы ўдар па пазіцыях войска краіны-агрэсаркі Расеі ў ноч на 24 лістапада, паведамляе Генштаб УСУ.

Удар нанесены па зенітна-ракетным дывізіёне 1490 зенітнага ракетнага палка 6-й арміі РФ на тэрыторыі Курскай вобласці. Ужо вядома, што УСУ паспяхова патрапілі ў радыёлакацыйную станцыю зенітнага ракетнага комплексу «С-400».

«Названае падраздзяленне ўзброеных сіл РФ вяло баявую працу ў рэжыме «зямля-зямля», гэта значыць, збіваючы наземныя нерухомыя цэлі. Пад такія абстрэлы расейскіх захопнікаў у асноўным трапляюць цывільныя аб'екты і мірныя жыхары населеных пунктаў у прыфрантавых рэгіёнах Украіны», - гаворыцца ў паведамленні.

У Генштабе Узброеных сіл Украіны таксама адзначылі, што баявая праца па ваенных цэлях акупантаў працягваецца.