Да +8°С чакаецца ў Беларусі 25 лістапада

• 24.11.2024, 16:16

Уначы - да -9°С.

Галалёдзіца і ўночы да мінус 9 градусаў чакаецца ў Беларусі 25 лістапада. Пра гэта паведамілі ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

Будзе воблачна з праясненнямі. Месцамі, пераважна па паўночнай палове, пройдуць невялікія ападкі (дождж, магчымы мокры снег), будзе слабы галалёд. На асобных адцінках дарог галалёдзіца. Вецер паўднёвы сярэдні, месцамі парывісты.

Тэмпература паветра ўночы складзе ад мінус 5 да плюс 1 градуса, па ўсходзе будзе да 9 градусаў марозу. Днём чакаецца ад мінус 1 да плюс 5 градусаў, па захадзе - да плюс 8.