Украіна атрымала новую вайсковую дапамогу ад Літвы
- 24.11.2024, 19:29
Што ў яе ўвайшло.
Літва перадала новую вайсковую дапамогу Украіне, паведаміла Міністэрства абароны балтыйскай краіны.
У гэты тыдзень літоўская старана даставіла ва Украіну генератары, запасныя часткі да транспарцёра М113, узбраенне і баявыя прыпасы.
"Усё, што трэба, каб Украіна перамагла. Салідарнасць застаецца непахіснай", —адзначыла абароннае міністэрства Літвы.
Іншых дэталяў няма.
Напярэдадні, 23 лістапада, міністры абароны дзвюх краін уклалі мэмарандум, згодна з якім Літва прафінансуе выраб украінскіх далёкіх дронаў.