Le Monde: ідуць сакрэтныя перамовы аб адпраўцы заходніх вайскоўцаў ва Украіну

• 25.11.2024, 11:27

Дыскусіі аднавіліся пасля перамогі Трампа.

Дыскусіі аб адпраўцы заходніх войскаў ва Украіну аднавіліся, піша французская газета Le Monde са спасылкай на крыніцы.

"Паміж Вялікабрытаніяй і Францыяй працягваюцца дыскусіі наконт супрацоўніцтва ў галіне абароны, з мэтай стварэння асноўнай групы супольнікаў у Еўропе, арыентаванай на Украіну і больш шырокую еўрапейскую бяспеку”, — сказаў суразмоўца Le Monde.

Са звестак выдання, перамовы “фактычна засакрэчаныя", яны аднавіліся ў апошнія тыдні, дзякуючы візіту ў Францыю прэм'ер-міністра Вялікабрытаніі Кіра Стармера 11 лістапада.

Нагодай стала перамога Дональда Трампа на выбарах у ЗША.