У Менску на продаж выставілі будынак нерэалізаванага гатэля Park Hotel Ocean

• 25.11.2024, 12:40

Што там знаходзіцца цяпер і на колькі яго ацанілі?

Прыкметны будынак на праспекце Пераможцаў, які задумваўся як гатэль Park Hotel Ocean, але стаў офісным цэнтрам, выставілі на продаж. Аб'ява пра гэта з'явілася на сайце Цэнтра прамысловай ацэнкі, піша Realt.

Трохзоркавы гатэль планавалі пабудаваць да 2014 года, акурат да чэмпіянату свету ў хакеі. Аднак у гэтыя тэрміны забудоўнікк "Тэхапрофітсіціінвестмент” не ўклаўся — спатрэбілася ўносіць карэкціроўкі ў праект з-за абмежаванняў ландшафтна-рэкрэацыйнай зоны, да якой належыць ўчастак забудовы (побач размешчаны заказнік “Лебядзіны"). У выніку праект быў зменены на турыстычны комплекс з гатэлем.

Да 2016 года будынак практычна дабудавалі, але з-за скасавання інвестацыйнай дамовы і ліквідацыі кампаніі «Тэхапрофітсіціінвестмент”, далейшы лёс аб'екта разглядаўся ў судах. У выніку, у 2018 годзе аб'ект быў здадзены, але яго прызначэнне змянілася — цяпер гэта офісны будынак. Належыць жа ён збанкрутавалай ў 2017 годзе кампаніі “Техапрофітсіціінвестмент".

Будынак агульнай плошчай амаль 5 тысяч метраў квадратных прадаецца як адзіны лот разам з інжынернымі камунікацыямі. Цяпер у ім працуюць офісы і крамы. Маюцца абцяжаранне ў выглядзе арэнды (з умовамі дамоў арэнды можна азнаёміцца ў прадаўца).

Пачатковы кошт — 14 701 188 рублёў (4 304 887 даляраў паводле курсу НБ). Таргі прызначаныя на 16 снежня 2024 года.