УСУ ўдарылі ракетамі ATACMS па аэрадроме пад Курскам

• 25.11.2024, 14:20

У атацы ўдзельнічалі і дроны.

Сілы абароны Украіны ўначы 25 лістапада атакавалі ракетамі ATACMS вайсковы аэрадром “Халіна" ў Курскай вобласці РФ, параненыя двое акупантаў, піша расейскі Telegram-канал Astra.

Са звестак СМІ, Курскую вобласць уночы атакавалі сем ракет і 12 дронаў. Як мінімум адна ракета ATACMS трапіла ў аэрадром. Ступень пашкоджання інфраструктуры пакуль невядомая.

Параненыя акупанты шпіталізаваныя.

Астатнія ракеты і БПЛА, са звестак суполак, збівалі ў раёнах Курска, Курчатава і іншых населеных пунктаў Курскай вобласці.