«А вы ўвогуле адэкватныя?»

• 25.11.2024, 14:35

Мянчанка паказала, колькі каштуе таксі з праспекта Пераможцаў да Новай Баравой.

У суботу ўвечары, 23 лістапада, дзяўчына хацела вярнуцца дадому з праспекта Пераможцаў у Новую Баравую на таксі “Яндэкс Go”. Дадатак паказаў кошт, які можа вас здзівіць, піша CityDog.

За 19-хвілінную паездку ў «камфорце» “Яндэкс Go” папрасіў 64,2 рубля. Плаціць такую суму спадарыня не хацела, таму наудмала паехаць на каршэрынгу. У Threads яна выклала скрыншот кошту паездкі і задала пытанне: “Ці вы адэкватныя наогул?”

А што думаюць беларусы?

Пад допісам у Threads многія карыстальнікі пагадзіліся з дзяўчынай, што гэта занадта высокі кошт за паездку.

* "Яндэкс Go" кошты падняў - гэта факт, і наўрад ці будзе адкат назад. Якія ў Менску ёсць альтэрнатывы? 135 яшчэ жывая служба?”

• "Гэта ж скрыня піва, зусім ужо"

* "Цяпер каршэрынг дапамагае вельмі нават"

* "Таксі-гэта раскоша"

Што здарылася?

Нагадаем, з 1 лістапада ў Беларусі ўступіў у дзеянне ўказ “аб аўтамабільных перавозках пасажыраў” — кошты таксі ў Менску і іншых гарадах краіны ўзляцелі, а пасажыры сталі зацята абмяркоўваць тое, што адбываецца ў сацсетках і выказваць сваю незадаволенасць.

У сваю чаргу “Яндэкс Go” прызнае, што з такой колькасцю кіроўцаў, якія цяпер могуць працаваць у сістэме, вярнуць кошты і хуткасць абслугоўвання на ранейшы ўзровень даволі цяжка. Каб сітуацыя стабілізавалася, трэба больш кіроўцаў у рэестры, а значыць, і ў таксі гэтай кампаніі.