Reuters: Аўстрыя спыніла паўвекавыя сувязі з «Газпрамам»

• 25.11.2024, 19:10

Штуршком да гэтага стаў арышт расейскага газу.

Пасля больш як 50 гадоў сувязяў Аўстрыя спыніла супрацоўніцтва з «Газпрамам». Штуршком да гэтага стаў арышт расейскага газу.

Пра гэта паведамляе Reuters.

Штуршком, які спыніў больш як 50 гадоў газавых плыняў ад расейскага дзяржаўнага энэргетычнага гіганта «Газпрама» да аўстрыйскай групы OMV у пачатку гэтага месяца, стаў арышт расейскага газу як платы для кампенсацыі кошту арбітражнай пастановы.

Раней у гэтым месяцы OMV заявіла, што перамагла арбітраж у Нямеччыне супраць «Газпрама» на суму 230 мільёнаў еўраў у сувязі з нерэгулярнымі пастаўкамі ў сваё нямецкае падраздзяленне, і прыме меры для неадкладнага прымусовага спагнання гэтага пазову супраць рахункаў-фактур «Газпрама».

Праз тры дні «Газпрам» спыніў пастаўкі газу аўстрыйскай кампаніі.

Са звестак трох ананімных крыніц, блізкіх да «Газпраму» і OMV, аўстрыйская фірма арыштавала пастаўкі газу за кастрычнік на 230 мільёнаў еўраў.

Гэта першы выпадак, калі кліент з Еўрапейскага Звязу не аплаціў газ «Газпраму».

Спыненне паставак на мінулым тыдні дае OMV магчымасць сцвярджаць, што Газпрам парушыў кантракты, паведаміла адна з пяці крыніц.

Паводле звестак выдання, «Газпрам» у сваю чаргу нібыта расцэньвае арышт газу як нявыплату і таму спыніў пастаўкі.

OMV купляла савецкі і расейскі газ з 1968 года і падзеі паказалі, што аўстрыйская фірма шукае спосабы цалкам адмовіцца ад закупак расе

йскага газу, нягледзячы на тое, што яе кантракты з Газпрамам дзейнічаюць да 2040 года.