Беларус падолеў знаўцаў «Што? Дзе? Калі?»

• 26.11.2024, 12:20

Ён задаў пытанне пра плечыкі для адзення.

У чарговай гульні азербайджанскага клуба «Што? Дзе? Калі?» каманда Ісмаіла Аліева саступіла тэлегледачам з лікам 1:6, піша «Комсомолка».

У сёмым раўндзе прагучала пытанне ад лекара з Берасця Васіля Станчука:

- Адзін італьянскі гандлёвы цэнтр, каб прарэкламаваць вялікі распродаж у крамах адзення, замовіў постэр са слоганам: «Пачынаецца сезон палявання». У чорнай скрыні знаходзіцца прадмет, які адыграў ролю «зброі» на гэтым постэры. Што ў чорнай скрыні?».

Знаўца Раўшан Мараданскі ў выніку абраў наступную версію:

- Там сэлфіпалка. Яна нагадвае стрэльбу. І паляванне там - фотапаляванне, хутчэй за ўсё.

Вядоўца агучыў правільны адказ:

- «Зброяй», на задуму аўтараў, сталі плечыкі для адзення. Плечыкі нагадваюць лук.

Васіль Станчук з Берасця прынёс пераможны бал тэлегледачам, якія ў выніку перамаглі з лікам 6:1. Аўтар пытання зарабіў 600 манатаў (блізу 1200 беларускіх рублёў). Больш за тое, ягонае пытанне прызналі найлепшым і дадалі яшчэ 200 манатаў (блізу 400 беларускіх рублёў).