Парламенцкая асамблея NATO заклікала даць Украіне ракеты сярэдняй далёкасці

• 26.11.2024, 19:45

Таксама ў NATO заклікалі перадаць Кіеву сістэмы СПА.

Парламенцкая асамблея NATO заклікала перадаць Украіне ракеты сярэдняй далёкасці і сістэмы СПА. Адпаведны дакумент апублікавала прэс-служба альянсу.

«Забяспечыць Украіну ўсімі сродкамі, уключаючы ракеты сярэдняй далёкасці, для самаабароны», - гаворыцца ў дакуменце.

Таксама ў дэкларацыі ёсць заклік забяспечыць Украіне «своечасовую пастаўку боепрыпасаў і сучасных сістэм узбраення, уключаючы сістэмы супрацьпаветранай абароны, высокадакладную зброю вялікай далёкасці і шматмэтавыя знішчальнікі».

Нардэп ад украінскай партыі «Слуга народа» і кіраўнік сталай дэлегацыі Украіны ў Парламенцкай асамблеі (ПА) NATO Ягор Чэрнеў заявіў у паведамленні на сайце сваёй партыі, што гэтага ўдалося дасягнуць дзякуючы намаганням украінскіх дыпламатаў.

У якасці прыкладаў ракет сярэдняй далёкасці, якія могуць перадаць Кіеву, Чэрнеў назваў амерыканскія ракеты Tomahawk.

Перадача Кіеву ракет Tomahawk - адзін з сакрэтных пунктаў плана перамогі Зяленскага, аб якім раней паведаміла NYT. Раней у Вярхоўнай радзе Украіны заявілі, што пастараюцца націснуць на прэзідэнта ЗША Джо Байдэна ў пытанні паставак гэтых ракет да таго, як яго зменіць у Белым доме Дональд Трамп.